உங்கள் பனித்துளி தமிழ்மண நட்சத்திரமாக

னைத்து அன்பு உள்ளங்களுக்கும் இந்த பனித்துளி சங்கரின் வணக்கங்கள். இந்த வார தமிழ்மணம் நட்சத்திரப் பதிவர் என்ற ஒரு சிறப்பை தந்து உங்கள் அனைவரையும் சந்திக்கும் இந்த அரிய வாய்ப்பை ஏற்படுத்தி கொடுத்த தமிழ்மணம் நிர்வாகிகளுக்கு  எனது  நன்றிகள் கோடி . என்னைப் பற்றிய விவரங்களை உங்களுடன் சிறிது பகிர்ந்துகொள்வதில்  பெரும் மகிழ்ச்சியடைகிறேன்.
  எனது பெயர்  சங்கர்  பின்பு எப்படி பனித்துளி சங்கர் என்று மாறியது   என்பது பலரின் கேள்விகள்  !?. இதற்கு இன்று விடை தந்தே ஆகவேண்டும். உதடுகள் உதிர்கின்ற  வார்த்தைகளிலெல்லாம் என்னை அறியாமலே  அவ்வப்பொழுது சில முரண்பாடுகள் முகம் காட்டி  விடுகின்றன. வார்த்தைகளில் இல்லாத மென்மை எனது பெயரிலாவது இருக்கட்டுமே என்று  பனித்துளி என்று விளையாட்டாக சேர்த்துக்கொண்டேன்  ஆனால் அதுவே இன்று பெயராக நிலைத்துவிட்டது.

ரி இது ஒரு பக்கம் இருக்கட்டும். பெயரின் காரணம்தான் இப்படி என்றால் நான் வசிக்கும் இடத்தைப் பற்றியத் தகவல் இன்னும்  வினோதமானது  . நான் இரண்டு மாவட்டங்களுக்கு சொந்தக்காரன். இதைப்  பற்றி பேச ஆரம்பித்தால் பல மணி நேரங்கள் தொலைந்து போகலாம் . இதைப் பற்றிய சுவராசியமான  தகவல்களை  மற்றொரு பதிவில் விரிவாக சொல்கிறேன்  . நான் சொல்ல முனைந்த மாவட்டங்களின் பெயர்களை மட்டும் இப்பொழுது அறிந்துகொள்வோம்  ஒன்று முத்தமிழின் பிறப்பிடம்   ( மதுரை  ) மற்றொன்று மருதுகள் வாள் வீசி விருதுகள் பல வென்ற  வீரத்தின் பிறப்பிடமான சீமை ( சிவகங்கை சீமை) . ஆனால் தற்பொழுது  ஏக்கங்களையும் , எதிர்பார்ப்புகளையும்  அமீரகம்  ( துபாய் ) போன்ற  வெளிநாடுகளில் அடகு வைத்திருக்கும் பல ஆயிரக்கணக்கான  இளைஞர்களின்  பட்டியலில் எனது பெயரும் ஒன்றாக  இருக்கும்  என்று அவ்வப்பொழுது தோன்றி மறையும்  சிறிது நேர உறவுகளின் உரையாடல்களில் இந்த சோகங்கள் அனைத்தையும் தொலைத்து இதழ்களில் சாயம் பூசிய போலியான புன்னகை உதிர்த்து வாழ்ந்துகொண்டிருக்கும் ஒரு சராசரி இளைஞன் . எனக்கு பிடித்தது என்று சொல்வதைவிட எனது தொழில் என்று சொல்லலாம்  அறிந்துகொள்ளும் ஆர்வம். நான் எழுதுவதை விட வாசிப்பதில்  அதிக நேரத்தை கரைக்கத் துடிக்கும் ஒரு கிறுக்கன்.

வெற்றுக் காகிதங்கள் தவிர அனைத்தையும் வாசித்தே ஆகவேண்டும்  என்று   ஆர்வத்தின் ஒரு முனையைப் பிடித்துக்கொண்டு தொங்கிக்கொண்டிருக்கிறது  இவனின் குட்டி இதயம்  . எழுதுகிறேன் என்ற பெயரில் ஏதாவது ஒன்றை கிறுக்குவது, இசை, விளையாட்டு, மகிழ்ச்சி, வாசித்தல், புதுமையாய் சிந்திப்பது, புன்னகையுடன் பேசுவது, கோபமாக நடிப்பது, மனிதர்களை தேடுவது, மனிதனாக இருப்பது, அன்பை தொலைப்பது, நட்பை திருடுவது எல்லாம் இன்றே நாளை என்பதில் நம்பிக்கை இல்லை எனக்கு. முடியாது என்பது முற்றுப்புள்ளி எட்டும் வரை. முடியும் என்பது தொடற்புள்ளியாகும் வரை கிறுக்கிக்கொண்டே இருப்பேன் இப்படி ஏதாவது ஒன்றை .!

ண்பர்களே இது எனது தமிழ்மண நட்சத்திர  வாரத்தின் முதல் நாள்  . இதுவரை நீங்கள் எதிர்பாராத பல வியப்பான வினோத  தகவல்கள் மற்றும் கவிதைகள்  என என்னால் இயன்ற வரை உங்கள் அனைவரின் எதிர்பார்ப்புகளையும் பூர்த்தி செய்யும் வகையில் எனது இந்த வாரப்  படைப்புகள் அமையும் என்ற எண்ணத்தில்  இந்த அறிமுகப் பதிவுடன் இந்த வாரத்தை சிறப்பிக்கத் தொடங்குகிறேன்  . மறக்காமல் உங்களின் கருத்துக்களை பதிவு செய்துவிட்டு செல்லுங்கள்  .

64 மறுமொழிகள் to உங்கள் பனித்துளி தமிழ்மண நட்சத்திரமாக :